Kadeco, Reykjanesbær og Suðurnesjabær boða til opins kynningarfundar um grænan iðngarð í Helguvík og Bergvík.

Fundurinn fer fram í Samkomuhúsinu í Sandgerði, Suðurnesjabæ, fimmtudaginn 5. desember kl.17.30 til 18.30. Haldin verður kynning á framtíðarmöguleikum í Helguvík og Bergvík og í kjölfarið munu umræður fara fram.

Á fundinum gefst íbúum og áhugasömum aðilum möguleiki á að kynna sér tækifæri svæðisins en Kadeco, Reykjanesbær og Suðurnesjabær hafa á undanförnum mánuðum unnið að sameiginlegri sýn fyrir svæðið.

Í lok fundar verður boðið uppá samtöl, kaffi og piparkökur.

Fundurinn er öllum opinn.

‍